Félag lykilmanna (FLM) og Samtök atvinnulífsins (SA) hafa undirritað nýjan kjarasamning. Um er að ræða fyrsta kjarasamninginn sem FLM og SA gera sín á milli og er hann gerður í ljósi mikillar fjölgunar sérfræðinga og stjórnenda sem kosið hafa að eiga aðild að FLM.

Kjarasamningurinn nær til sérfræðinga og stjórnenda sem aðild eiga að FLM og samið hafa í ráðningarsamningi við sinn atvinnurekanda um að kjarasamningurinn verði lagður til grundvallar ráðningarsambandi aðila. Samningurinn er áþekkur kjarasamningum sem SA hafa gert við stéttarfélög háskólamanna og byggir á þeirri meginreglu að sérfræðingar og stjórnendur semja persónubundið um laun sín og önnur starfskjör.

Samningurinn gildir frá 1. september 2021 og er ótímabundinn.

Starfsfólk FLM veitir nánari upplýsingar um samninginn.